د وفات شوي مزدور مزد چاته ورکړم؟ (فتوى

مفتي- مولوي محمد امان رسولي

پوښتنه:

د اصلاح ټولنې دفتر ته!

قدرمنو: د الله څخه درته د لا ښه خدمت غوښتنه کوو.

محترمو! مونږه د يو لړ ستونزو سره مخ شوي يو چې د هغوی له جملې څخه دم ګړۍ د يوه په هکله له تاسو څخه فتوا غواړو:

ځواب

قدرمنه ورروه! الله تعالې مو خوشحاله او له هر ډول غمونو لرې لره.

د مزدور مزدوري بايد مخکې له دې چې خولې يې وچې شي ورکړل شي. په دې اړه رسول الله صلی الله عليه وسلم ډېر ټينګار کړی دی او مونږ يې چې امتيان يو بايد د هغه صلی الله عليه وسلم لارښوونې پلې کړو.

دا چې هغه ګونګی چې وفات شوی او وارثان نه لري او له تاسې سره يې حق پاتې دى نو هغه کورنۍ ته چې دی يې روزلی دی د نوموړی حق بايد ورکړل شي، چې ويې کاروي او يا دې په داسې خيريه کار کې مصرف شي، چې د هغه لپاره جاري صدقه حساب شي ښه به وي لکه په يوه مدرسه کې یا د پل او يا د کوهي په جوړولو کې ترې ګټه واخيستل شي.

و الله اعلم