د بد اخلاقه تلويزون چلوونکو وژنه رواه ده؟

اسلام انلاين.نټ + بي بي سي: د سعودي عربستان يو تر ټولو لوړپوړي قاضي، شيخ صالح اللحيدان، ويلي چې د ساتېرۍ ځينې بداخلاقه پروګرامونه چې د تلويزوني چينلونو له خوا خپريږي، فحاشي خپروي. د منځني ختيځ په لروبر کې په لسګونه سيټلايټ تلويزوني چينلونه خپرونې کوي او هره ورځ په ميليونونو عربان يې ګوري.

نوموړي قاضي دا خبره د دولتي راديو له لارې د يو اوريدونکي د پوښتنې په ځواب کې وکړه. پوښتونکي د رمضان په مياشت کې د نيمه بربنډو ښځو درلودونکو پروګرامونو د خپرولو په هکله پوښتلي وو. شيخ اللحيدان وويل پهدې کې هيڅ شک نشته چې د دا ډول پروګرامونو خپرول يوه ستره ګناه او ناوړه کار دى، او د داسې چينلونو څښتنان هومره مجرمان دي لکه څومره يې چې ليدونکي دي. هغه زياته کړه، د داسې کسانو وژل روا دي چې د خيانت او بدلمنۍ لور ته بلنه ورکوي، او په نورو سزاګانو له دغه کاره لاس وانه خلي.

د شاهي کورنۍ لپاره يو سخت انتخاب
کتونکي باور لري چې د هيواد د يو ستر برحاله قاضي په توګه د هغه خبره په اسانۍ سره ځمکې ته نه شي غورځول کېدای، او د شيخ صالح اللحيدان په څېر علماء د سعودي د شاهي کورنۍ  لپاره هغه د ډانګ او پړانګ انتخاب دی.

له يو پلوه د سعودي چارواکي د هغه دې ملاتړ ته اړتيا لري چې د هغوی د واکمنۍ بڼه

اسلامي معرفي کړي، او له بل پلوه د هيواد د يو تر ټولو لوړ قاضي لخوا دا خبره چې د غيراخلاقي خپرونو لرونکو د څښتنانو سرونه بايد پرې کړل شي، هغه جګړه چې د امريکا په مشرۍ پيل شوې او سعودي يې ملاتړ کوي لا پسې ستونزمنوي.

No related posts.