ژباړه: خاکسار وقار
فارس خبري سرچينه: هر کلي کوونکو د تونس د اسلامي خوځښت مشر راشد الغنوشي د ظلم په مقابل کې د «نه» کلمې بنسټګر ونوموه.
د مانېټورينګ فارس د راپور په اساس: د قطر د الجزيرې تلويزوني چينل د تونس د النهضة اسلامي خوځښت د سرلاري له ۲۲ کلن تبعيد وروسته بېرته هېواد ته راستنېدو اړوند د زرګونو هرکلي کوونکو انځورونه وښودل چې له ساعتونو راهيسې يې د تونس په نړيوال هوايي ډکر کې د هغه د الوتکې د راښکته کېدو لارې څارلې، د راټول شويو هرکلي کوونکو د خبرو له مخې هغوی دغه ورځ په ټول هېواد کې د خوښۍ او جشن ورځ وبلله او نړيوالو ته يې دا وښوده چې ولس له راشد الغنوشي سره بې پايه مينه لري.
د هر کلي کوونکو له ډلې څخه يو تن چې د غنوشي راستنېدنه يې يو الهي پرېکړه وبلله، وويلې: “غنوشي يو تونسي بچی ده خو، په ډېر مظلومانه ډول له هيواده و ايستل شو چې اصلاً بايد نه وای تبعيد شوی”.
يو بل تونسي ځوان بيا د النهضه اسلامي خوځښت مشر د ظلم پر وړاندې د «نه» کليمې بنسټ ايښودونکی وباله او زياته يې کړه: “مونږه ټول دلته (هوايي) ډګر ته د هغه چا د هر کلي لپاره راوتي يو چې په تونس کې يې په يواځې ځان د لمړي ځل لپاره د ظلم او تيري پر وړاندې د «نه» کلمه وکاروله”.
د راپور له مخې غنوشي پداسې حال کې تونس ته له پراخ ملاتړ سره يوځای له دوه ويشت کلن تبعيد وروسته  راستنيږي چې د تونس حالات دده د ايستلو له وخت سره توپير لري ځکه اوسمهال نوموړی د يو پراخ ملاتړ لرونکي او پېژندل شوي سياسي لوري په شکل مطرح ده.
شيخ راشد الغنوشي د تونس د النهضة خوځښت رهبر چې په ۱۹۸۹ م کال د تونس پخواني ولسمشر زين العابدين پوسيله له هيواده شړل شوی و ،په لندن کې ژوند تيروه.
مسلمانان چې دوه لسيزي وړاندې د تونس  د دولت له سترو مخالفو ډلو څخه شمېرل کېده ښايي اوس بيا د زيات قوي سياسي لوري په شکل پدې هېواد کې برسېره شي.
د الغنوشي هرکلي کوونکو چې ډېری يې ځوانان وو، د «الله اکبر» او « مسلمانان نه تسليميږي» د شعارونو په بدرګه کولو خپل رهبر استقبال کړ.

راشد الغنوشي خپل اسلامي غورڅنګ په ۱۹۸۲ کال کې د تونسي لوستو کسانو په مرسته د اخوان المسلمین له تګلارې سره سم جوړ کړ.

لاندې ويډيو کې د خلکو لخوا د نوموړي د استقبال مراسم ليدلی شئ.

دلته هم د ښاغلي راشد الغنوشي سره د اصلاح انلاين مرکه ولولئ.

“چې هېواد دې اشغال شي يا به مقاومت کوې يا خيانت،‌ درېيمه پکې نشته”

No related posts.