په هالنډ کې لومړۍ اسلامي ورځپاڼه چاپ شوه

سرچينه: اخبار جهان اسلام
ژباړه: محمد شفيق امين

یو مسلمان هالنډي ځوان، په دې هېواد کې په هالنډي ژبه لومړنۍ اسلامي ورځپاڼه چاپ كړه.
په هالنډ کې د اسلام د حقیقي څېرې د معرفي کولو لپاره د مسلمانانو په هیلو د څوکلونو له تېرېدو وروسته، یو مسلمان هالنډي ځوان، د فانداق(د نن مسلمان) په نوم، په هالنډي ژبه، لومړنۍ اسلامی ورځپاڼه بازار ته راويسته.
جوزف چې د دې ورځپاڼې د پلور او تبلیغاتو په برخه کې کار کوي، وویل: ډير خوښ یم چې د اسلام د حقیقي څېرې د معرفي کولو لپاره، خپل وخت دې ورځپاڼې ته په تبلیغاتو کې تېروم.
جوزف چې ۱۵ کاله وړاندې مسلمان شوى وویل: مسلمانان په هالنډ کې تلویزوني خپرونې ګوري او له دې څخه ځوریږي چې د اسلام ناسم پوهاوی وړاندې او پیغمبر صلى الله عليه وسلم ته سپکاوی کېږي.
په همدې موخه د داسې ورځپاڼو رامنځته کول له موږ سره د اسلام د حقیقي څېرې په موندلو کې زیاته مرسته کوي.
د فانداق ورځپاڼ، په هالنډ کې د اسلامي شرکتونو د سوداګریزو تبلیغاتو په مالي ملاتړ په وړیا توګه، توزېع کېږي او هره میاشت ۲۵ زره ګڼې چاپ او مسلمانانو ته وېشل کېږي.

نورې دا ډول ليکنې:

1. د اروپا لومړۍ محجبې وکيلې لوړه وکړه
2. په بلغاريا کې هم پر اسلامي حجاب بنديز ولګېد!
3. غير مسلمانانو هم اسلامي محکمو ته مخه کړه
4. ناتو از کشورهاي اسلامي خواست به افغانستان نيرو بفرستند
5. واتيكان نظام بانكي اسلامي را برای غرب توصيه کرد