د مديني زيارت کوونکو لپاره روژه ماتی

د مدينې منورې اوسېدونکي هره ورځ مسجد نبوي ته روژه ماتی رواړي او په مسجد نبوي کې يې د زيارت کوونکو سره يوځای خوري.

يو شمېر اوسېدونکي يې د مسجد نبوي په بېرونۍ برخه کې خوري او ځينی نور يې بيا داخل ته وړي او هلته له روژه ماتي څخه خونداخلي.

په روژه ماتي کې په عمومي ډول خرما، اوبه، مېوه، شوده، ماسته وي، او د مدينې منورې زاړه او لوی ټول په دې  هڅه کوي، چې د هغه روژه ماتی زيات کسان وخوري.

ځيني کسان له مسجد نبوي څخه بيرون یو شمېر خوراکونه، چې چرګان، وريجې، مېوې  او عربي قهوې په کې وي په زیارت کوونکې وېشي او دا وياړ ځان ته بښي.

د مسجد نبوي زيارت کوونکي له نژادي، ژبني او هر ډول تعصبونو پرته د یو بل په څنګ کې ناست له د خوراک لپاره له ميزونو څخه استفاده کوي.

زيارت کوونکي کوښښ کوي، چې خپل زیات وخت په مسجد نبوي کې تېر کړي او د شپې ناوخته بيا په کرايه نيول شويو هوټلونو ته لاړ شي.

No related posts.